Hoxe é Martes 11 de Maio de 2021

Só o 15% do persoal do SAF está vacinado contra a Covid

Vacinación

Representantes das traballadoras do Servizo de Axuda no Fogar de Redondela (SAF) demandan a Sanidade e a Política Social que inmunicen a este colectivo prioritario. Desde o sindicato CIG denuncian que só o 15% do persoal que presta este servizo está vacinado, a pesar de tratarse dun colectivo profesional considerado “prioritario” na estratexia de inmunización. A representación sindical sinala que son 51 as empregadas do SAF redondelán, xestionado pola empresa Sacyr Social. Xa se puxeron en contacto tanto co Concello como cos departamentos autonómicos de Sanidade e Política Social “para axilizar o proceso e minimizar os posibles riscos para a saúde das traballadoras”. A reivindicación do persoal do SAF de Redondela chega despois de que as traballadoras do servizo de Vigo denunciasen a comezos de mes que arredor do 90% estaba sen vacinar. Tras remitirlles escritos ás Consellarías de Sanidade e de Política Social lograron que a Administración as citase o pasado luns para inmunizar a 70, “pero despois suspenderon o proceso e non nos volveron chamar, polo que arredor da metade das máis de 350 empregadas do servizo de Vigo seguen agardando”

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *