Hoxe é Martes 27 de Xullo de 2021

Chapela participa con tres barcos no Campionato de España de Bateis

CHAPELAbateis

Esta fin de semana celébranse en Meira (Moaña) os LXXVIII Campionatos de España de Bateis. Galicia é a comunidade que achega máis barcos, con 33 bateis de 18 clubs, que se medirán a 22 do País Vasco, 20 de Cantabria, 2 de Asturias e un de Cataluña. Redondela estará representada con tres embarcacións do C.R. Chapela, logo de acadar o billete a pasada fin de semana no Campionato Galego. Será nas categorías xuvenil e absoluta feminina, e cadete masculina. Un balance moi positivo para o club redondelán, que se amosa moi satisfeito dos resultados logo dunha boa temporada. O presidente, Julio Prado, lamenta que non participe nesta cita estatal a categoría alevín, xa que se terían clasficado tanto o equipo masculino como o feminino, que acabaron en 3º lugar no Campionato Galego.

Julio Prado, presidente do C.R. Chapela

Tan só o club de Rianxo supera a Chapela en participación no Campionato de España, con catro equipos; tamén con tres competirán Samertolaméu, Mecos e Tirán; Bueu, Cabo, Ares e Cabana Ferrol asisten á proba estatal con dous bateis, e cun únco equipo estarán Robaleira, Riveira, Perillo, Poboa, Virxe da Guía, Muros, Amegrove, Vilaxoán e Mera.

Mañá sábado pola tarde serán as eliminatorias a partir das 16.00 horas. O domingo pola mañá serán as regatas de consolación a partir das 10.00 horas e as bandeiras decidiranse a partira das 11.30 coas finais das catro categorías: infantís, cadetes, xuvenís e absolutos masculinas e femininas.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *