Hoxe é Mércores 4 de Agosto de 2021

Fernández-Tapias demanda “axilizar” as compensacións polas obras da AP-9

TapiasReunionAfectadosAP92

A delegada territorial da Xunta solicita do goberno central “avances” na supresión da peaxe no tramo Redondela- Vigo e nas obras comprometidas de reposición de servizos e mitigación do impacto do ruído. Marta Fernández-Tapias mantivo onte unha reunión con representantes do colectivo de afectados da AP-9, a ANPA do IES de Chapela e da Asociación de Veciños de Trasmañó, e lamentou “a falla de compromiso do goberno de Pedro Sánchez”. Tapias recordou que foi o Goberno de Rajoy o que asumiu este compromiso “do que unicamente se executou o traslado do CEIP A Igrexa”. En canto ao resto de actuacións, as pantallas acústicas e as intervencións nos viarios “acumulan xa un atraso excesivo, causando gran malestar entre o veciños de Redondela”, sinala a delegada territorial da Xunta. Segundo informou, a execución destas medidas foi recollida por Real Decreto e incluída nos cálculos das subidas extraordinarias das peaxes, que xa se están a aplicar “pese a que as intervencións non foron na súa maioría executadas”. Tapias lembrou que os orzamentos do Estado recollen para este 2021 unha partida de 1,53 millóns de euros para a implantación da gratuidade da peaxe entre Redondela e Vigo “e que debería ser de aplicación inmediata”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *