Hoxe é Mércores 14 de Abril de 2021

Radio Redondela súmase á celebración do Día dos Medios en Galego

MediosGalegos

Este sábado 20 de marzo, dende a Asociación de Medios en Galego (AMEGA), celebramos o Día dos Medios en Galego coa retransmisión do programa #MoitoqueSachar. A Casa Museo de Rosalía acollerá a emisión deste “Late Night” presentado por Federico Pérez Rey. O actor estará acompañado pola música en directo de Iván Barreiro, Carlos Arévalo e Ale Casquero. Será unha festa da lingua, con entrevistas, sketches, o nacemento dun novo proxecto, así como singulares sorpresas que demostrarán o papel fundamental do galego como principal motor da comunicación no noso país. O programa será retransmitido en directo nas nosas canles de Youtube, Facebook e Twitch. Ademais, tamén se emitirá o domingo ás 21:30h en NósTelevisión e o luns ás 18:00h en Radio Redondela e todas as emisoras municipais da rede de Radiofusión. O evento conta coa colaboración da Secretaría Xeral de Política Lingüística e a Deputación da Coruña, ademais do apoio da Casa Rosalía.

O programa tivo que ser aprazado o pasado 7 de febreiro (a data oficial, aprobada no Parlamento de Galicia, conmemora a saída do primeiro xornal en galego, O Tío Marcos d’Portela, aló polo 1876) polas restricións sanitarias. A cita será unha festa para os máis de 140 medios que a día de hoxe comunicamos na nosa lingua activos este marzo 2021.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *