Hoxe é Luns 1 de Marzo de 2021

Caídas de árbores e postes de telefonía, a pegada de Karim en Redondela

ProtecciónCivilKarim

A situación meteorolóxica da fin de semana estivo marcada polo forte temporal de vento e chuvia. A borrasca Karim deixaba alerta laranxa, e desde o servizo de Protección Civil de Redondela activouse un operativo especial de retén para atender as emerxencias, tanto na noite do venres como na xornada do sábado. As actuacións foron, como é habitual nestes casos, por arbores caídas e zonas anegadas de auga. Desde a Policía Local tamén informan da caída dun poste de telefonía no barrio da Nogueira, no Viso, e dunhas uralitas no camiño Loural, en Cesantes. Afortunadamente non houbo que lamentar ningún dano persoal.

Corte no subministro de auga en Chapela

Por mor do temporal o depósito de auga de Candeán (Vigo), que abastece de auga o barrio de Parada en Chapela, quedou sen abastecemento eléctrico na tarde do sábado. A avaría deixou sen sen abastecemento de auga a esta zona, onde se atopa o Centro de atención de persoas con diversidade funcional CAPD de Chapela, e afectou tamén a pequenos grupos de vivendas da zona alta de Trasmañó. Sobre as 21.00 horas do sábado quedou arranxada a avaría eléctrica e restableceuse o subministro de auga.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *