Hoxe é Venres 14 de Maio de 2021

Demandan o arranxo do Camiño da Buraca e un aparcadoiro ao carón do CEIP Igrexa

camiño Buraca

A Asociación de Veciños de Chapela advirte que este vial, único acceso ao colexio Igrexa e que conecta a Avda. de Redondela co barrio de Parada, presenta un estado “deplorable”. Trátase dun camiño con numerosas curvas e unha forte pendente que actualmente está “cheo de fochancas e co firme en pésimo estado” segundo denuncia o colectivo. Advirten que esta situación “pon en grave perigo non só aos vehículos que diariamente utilizan está vía, senón tamén ao nenos e familiares que se achegan ao colexio diariamente”. Lamentan que o centro se inaugurase o curso pasado “cun vial de acceso nestas condicións”. Lembran que xa reclamaron tanto ao anterior goberno local como ao actual “o arranxo integral” do Camiño da Buraca “polo menos ata o colexio”, sen que ata o de agora obtiveran resposta. Agardan “que non teña que pasar un accidente grave para que os gobernantes o tomen isto en serio”. Sinalan tamén o perigo que existe na confluencia deste vial co Camiño de Leitón, onde se produce un gran cambio de rasante. A visibilidade é nula polo que demandan mellorar a seguridade viaria nesta intersección. Por outra banda solicitan tamén que un terreo de propiedade municipal, situado a uns 100 metros do centro escolar, sexa habilitado como aparcadoiro público “para dar un servizo máis axeitado” ao colexio e a futura gardería que está previsto construír na zona.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *