Hoxe é Domingo 28 de Novembro de 2021
Stations
NOTHING FOUND!
Current listeners: 
Peak listeners: 

O Sergas fará un cribado entre a poboación de Redondela

covidauto

A Xerencia da Área Sanitaria de Vigo comunicou oficialmente este luns ao concello de Redondela a realización dun cribado con probas PCR entre os veciños do municipio. As probas realizaranse no hospital Álvaro Cunqueiro e no Meixoeiro co obxectivo de coñecer cal é a incidencia da pandemia en Redondela.

Logo das reiteradas peticións feitas nas últimas semanas pola alcaldesa de Redondela, Digna Rivas, para que o Sergas fixese un cribado entre os veciños do municipio para coñecer cal é o nivel de propagación do virus entre a poboación, este luns, a Xerencia da Área Sanitaria de Vigo, confirmaba oficialmente que se realizarán probas entre a poboación redondelán. PCR´s que se farán nos hospitais Álvaro Cunqueiro e Meixoeiro co sistema do “covidauto”.

A rexedora local fai fincapé en que para que unha administración local poida “optimizar os seus recursos na loita contra a pandemia e poñer todos os medios para garantir a seguridade sanitaria da veciñanza, é imprescindible coñecer o alcance real da pandemia”.

Rivas insta ao Sergas a que lle faga probas a todo o persoal do Servizo de Axuda no Fogar, xa que os traballadores “están en contacto directo con persoas incluídas no grupo de risco e cos que hai que extremar as precaución”

A residencia de maiores de Cesantes suma catro traballadores infectados

O gromo detectado na residencia de maiores de Cesantes esta fin de semana mantén estable o número de usuarios positivos. Son once os casos, segundo os datos deste luns da Consellería de Sanidade. Pero a esa cifra temos que engadir catro traballadores do centro que deron positivo nas últimas horas.

Os últimos datos da Consellería de Sanidade, a seis de decembro, cifran o número de positivos por coronavirus en Redondela en 116 casos e 419 persoas en seguimento estreito por ter contacto directo cun infectado.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *