Hoxe é Domingo 28 de Novembro de 2021
Stations
NOTHING FOUND!
Current listeners: 
Peak listeners: 

Ningún neno redondelán sen xoguetes este Nadal

juguetes-para-ninos-para-navidad-2013-01

O Concello de Redondela mercará xoguetes novos para distribuír entre os nenos e nenas das familias do municipio máis desfavorecidas. Unha iniciativa que tamén servirá para dinamizar o comercio local e transmitir valores de igualdade e respecto entre os cativos.

“Para que todos os nenos e nenas, independentemente da situación económicas das súas familias, poidan gozar dun Nadal Feliz”, a Concellería de Servizos Sociais pon en marcha esta iniciativa que permitirá que a situación económica das familias neste tempos de crise sanitaria e económica, non repercuta nos máis pequenos da casa.

Os xoguetes mercaranse no comercio local e serán igualitarios e non sexistas co fin de fomentar a igualdade de xénero dende as idades máis temperás, segundo subliña a alcaldesa de Redondela, Digna Rivas quen fai fincapé en que esta iniciativa é unha “aposta pola solidariedade e non pola caridade”.

Unha campaña que contribuirá a fomentar valores como a igualdade e non violencia a través dos xoguetes ao mesmo tempo que se promove a dinamización do comercio local, xa que estes agasallos serán mercados nos establecementos do municipio.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *