Hoxe é Luns 26 de Outubro de 2020

O Monte da Peneda e Soutoxuste, primeira parada para coñecer o patrimonio cultural de Redondela

andainas

O Concello recupera o programa de roteiros por diferentes enclaves da nosa contorna co obxecto de poñer en valor e dar a coñecer o patrimonio cultural e paisaxístico de Redondela. Guiados polo arqueólogo Xurxo Constela, os participantes nesta primeira andaina, o domingo 18, coñecerán os diferentes enclaves arqueolóxicos situados no Monte da Peneda e Soutoxuste. A inscrición é gratuíta e debe realizarse na oficina de turismo, no teléfono 986400300 ou a través do enderezo turismo@redondela.gal.

A Peneda é unha das xoias arqueolóxicas do concello. Alí atopamos petróglifos, os restos do Castro e o Castelo de Castrizán ou a Ermida. Xurxo Constela será o encargado de achegar máis datos sobre o lugar e guiar aos participantes entre Soutoxuste e esta zona do Viso.

As próximas citas serán o 8 de Novembro cunha ruta polo Camiño de Santiago ao seu paso polo norte do Concello mentres que o 29 de novembro, os participantes coñecerán o Camiño ao seu paso polo sur do concello.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *