Hoxe é Domingo 25 de Outubro de 2020

O Choco arranca a pretemporada cun amigable ante o Alondras

ChocoAdestramento

O equipo de “Gonza” comeza comeza a súa posta a punto antes do inicio de liga, previsto para o 18 de outubro. Logo de poder comezar os adestramentos grupais, o plantel vermello planifica unha serie de encontros amigables que servirán “para tomar o pulso” á nova tempada do equipo, que aínda non está pechado e que conta con numerosas incorporacións.

Sen pechar aínda por completo o calendario dos partidos da pretemporada, está confirmado que Alondras CF, Coruxo CF e Vista Alegre serán algúns dos rivais aos que enfrontará o equipo redondelán nas vindeiras semanas. Nestes partidos o corpo técnico poderá comprobar a evolución do grupo, no que teñen que irse “acoplando” as novas pezas. O primeiro partido será hoxe, ás 21.00 horas ante o Alondras CF no Campo Municipal de Santa Mariña. Celebrarase a porta pechada, para poder cumprir coas medidas preventivas contra a Covid-19. Dende o club explican que aínda non remataron as tarefas de sinalización e os controis de acceso ás instalacións, requisitos imprescindibles segundo establece a Federación para poder disputar os encontros con público.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *