Hoxe é Venres 27 de Novembro de 2020

Cesantes faise coa Bandeira Concello de Moaña na LGB

RR_Noticias

A traiñeira redondelá impúxose o sábado con claridade en augas de Moaña, por diante de Poboa, invicta ata o momento. Onte, na Bandeira Concello de Rianxo a embarcación de Cesantes foi segunda, praza que ocupa tamén na xeral da Liga Galega B de traíñas.

O sábado as dúas mangas da liga B deron sorpresas no Morrazo. Os remeiros do CCD.Cesantes conseguiron superar a CR.Poboa, líderes imbatidos ata ese momento. Os de Redondela fixeron unha regata espectacular e gañaron con claridade, superando a Poboa en 10 segundos. Terceiro foi Salgado-Perillo moi atrás. Na outra serie, éxito tamén redondelán con vitoria de Chapela, que dominou con claridade a Narón, acadando o 4º posto. Na liga Feminina a Chapela acadou a cuarta praza, por detrás de Cabo, Perillo e Tirán.
Bandeira Concello de Rianxo
Na liga B o CR.Poboa volveu mostrarse como o potente equipo de toda a tempada. Malia os ataques de Cesantes, os líderes mantiveron o primeiro posto, e devolvéronlle os 10 segundos na meta aos redondeláns. Salgado-Perillo, terceiro na serie, quedou na cuarta posición superado por Narón, vencedor na segunda manga na que dominou a Chapela, que foi quinto na xeral da regata. Poboa mantense en solitario como líder da liga B, con 35 puntos, seguido de Cesantes con 27, Salgado-Perillo, 23, Narón 14 e Chapela 11. Na liga Feminina mantivéronse as posicións do sábado, con Chapela na 4ª praza.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *