Hoxe é Venres 27 de Novembro de 2020

A Policía detén un vehículo na N-555 e descubre gran cantidade de droga oculta no interior

RR_Noticias

Un dispositivo conxunto da Policía Local e Nacional detiña na madrugada de hoxe un vehículo nun control de rutina na subida ao aeroporto. O nerviosismo do condutor, un veciño do Porriño de 48 anos de idade, leváronos a requisar o interior do vehículo, descubrindo un gran número de sustancias estupefacientes ocultas nun oco así como 7 teléfonos móbiles, un ordenador portátil, dúas tablets e cartos en efectivo. O vehículo foi intervido e ao codutor se lle imputa un delito de tráfico de drogas.

Os feitos producíanse ás 4:50 horas da madrugada de hoxe dentro da Operación “Sereno” un operativos de control aleatorio de vehículos nos accesos de Redondela. Tras observar un vehículo de alta gama na N-555 e indicar que se detivera decatáronse de que o condutor actuaba con certo nerviosismo procedendo a súa identificación e a rexistrar o interior do vehículo localizando un oco que contiña diversas sustancias estupefacientes. Cocaína, heroína, hachís cortado, un frasco con 42 comprimidos de trankimazin, varias pastillas de metadona, cartos en efectivos e outros efectos así como varios teléfonos móbiles, tablets, un ordenador portatil e diversas axendas foi o resultado do rexistro.
Os axentes procederon á detención do varón, requisándolle o vehículo e trasladado a dependencias policiais comprobándose que tiña antecedentes por feitos semellantes.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *