Hoxe é Venres 30 de Outubro de 2020

O BNG de Redondela demanda que se reactiven este verán os eventos culturais ao aire libre

RR_Noticias

Ante a actual situación de desescalada, a edil nacionalista Jéssica García solicita á Concellaría de Cultura que elabore unha programación para este verán con pequenas actividades como concertos, monólogos, proxeccións ou citas literarias nas prazas dos cascos urbanos e nas parroquias “controlando o aforo e respectando as medidas de seguridade”.

Logo do anuncio que facía en abril o concelleiro de Cultura, Daniel Boullosa, sobre a suspensión da programacón de verán por mor da pandemia do coronavirus, o BNG local entende que “xa é momento de reactivar a actividade cultural”. A concelleira Jéssica García lembra que este sector sufriu un importante parón de contratacións desde o pasado mes de marzo, e que co remate do confinamento estrito, a actividade cultural “debe restablecerse para este verán”. Propoñen facer “pequenas actividades culturais” como concertos, monólogos, proxeccións ou citas literarias nas prazas dos cascos urbanos do municipio e tamén nas parroquias. Entende García que é “asumible” controlando o aforo “e coas medidas sanitarias oportunas” facer estas actividades ao aire. Sinala a concelleira que esta reactivación das actividades culturais debería facerse “empregando o Rexistro de Artistas Locais” para axudar a reactivar este sector “tan afectado pola crise”, e prestando especial atención aos Convenios Interparroquiais. “Redondela non pode estar ata setembro sen actividade cultural”, remata na súa nota.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *