Hoxe é Domingo 25 de Outubro de 2020

Detidos dous redondeláns por varios roubos en cafeterías e a unha persoa

RR_Noticias

A un deles impútanselle delitos de roubo con forza en establecementos de hostalería e ao outro un roubo con violencia. Son responsables da subtracción de cartos, bebidas alcólicas e tabaco ademais dun roubo a un veciño cun coitelo. Os dous homes, veciños do municipio de 27 e 33 anos de idade, eran vellos coñecidos da policía e contaban con antecedentes e ordes de procura e detención.

Dentro do Plan de Prevención da Seguridade Cidadá que está a levar a cabo a comisaría Vigo-Redondela, nas últimas horas axentes da Policía Nacional detiveron a dous homes responsables de tres roubos con forza en cafeterías do municipio e un roubo con violencia.
Un deles foi o responsable de varios roubos en establecementos hostaleiros do municipio dos que subtraeu cartos, bebidas alcólicas, tabaco por valor de 1.000 euros, alimentos e equipos electrónicos. O outro detido foi interceptado logo de roubarlle a un veciño cando saída a traballar e ao que ameazou cun coitelo de grandes dimensións para subtraerlle diñeiro.
Os dous contan cun amplo historial delituoso, segundo as bases de datos da Policía Nacional, suman 10 e 38 antecedentes policiais anteriores, ademais de 3 ordes de procura e 1 orde de detención e ingreso en prisión.
As intervencións foron levadas a cabo por axentes da Comisaría de Policía Nacional en Vigo-Redondela, pasando todo o actuado a disposición do Xulgado de Instrución en funcións de garda.
Unhas detencións que se enmarca dentro do campaña de intensificación de controis que está a facer a policía na área de Vigo e Redondela desde comezos do pasado mes de febreiro.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *