Hoxe é Sábado 28 de Novembro de 2020

Aprazado a setembro o Festival Internacional de Títeres de Redondela polo coronavirus

RR_Noticias

Esta mesma semana estaba previsto que a Asociación Xente Titiriteira fixera pública a programación desta edición, programada para o vindeiro mes de maio. Un festival que como novidade tiña previsto incluso ampliar a nove días a súa duración, ofertando un maior número de actividades e espectáculos. Pola contra, o anuncio é ben diferente, a organización acordou xa adiar esta cita cuxa XXI edición celebrarase do 1 ao 6 de setembro.

Un adiamento que responde a necesidade de facer fronte e adaptarse á nova situación imposta pola crise sanitaria do coronavirus, crise que obriga a reorganizar todo o calendario cando xa estaban pechados contratos coas compañías, reservas hoteleiras, billetes…
Con todo, dende a organización envían unha mensaxe optimista “os nenos e nenas fieis á súa cita cos títeres de Redondela poden estar tranquilos, pois a principios de setembro gozaremos coma nunca do espectáculo e a maxia do teatro. Agora debemos enfrontarnos a esta pandemia pero cando pase, que pasará, estamos convencidos de que os monicreques serán máis necesarios ca nunca”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *