Hoxe é Domingo 29 de Novembro de 2020

Redondela rexistra o primeiro caso de coronavirus

RR_Noticias

A alcaldesa, Digna Rivas lanza unha mensaxe de tranquilidade ante o primeiro positivo por coronavirus detectado no noso concello, un veciño de máis de setenta anos que permanece estable e ingresado no hospital “á espera da segunda confirmación, unha vez que o primeiro análise deu positivo por COVID 19”.

Rivas, que se mantén en contacto en todo momento cos directores dos Centro de saúde de Redondela e Chapela, confirmou a existencia desta primeira persoa infectada por coronavirus en Redondela, pero insiste na necesidade de enviar unha mensaxe de tranquilidade ao tempo que de responsabilidade para que “se manteña a alerta e se acaten as medidas de prevención e illamento” impostas polo goberno e as autoridades sanitarias, de cara a tentar cortar a correa de transmisión da enfermidade.
Malia este primeiro contaxio confirmado, aplaude o comportamento cívico da veciñanza “estamos facendo as cousas ben e o feito de que se produza algún contaxio entra dentro do previsto, non hai que baixar a garda e seguir cumprindo os protocolos”.
Lembra tamén que hai que evitar acudir aos Centros de Saúde “as citas estanse reprogramando ou reconvertendo en citas telefónicas cando é posible. Si se mantén o Control de Sintrom e outras consultas concretas”. En caso de atoparnos mal debemos chamar ao propio centro ou ao 061 para que nos expliquen como actuar.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *