Hoxe é Venres 30 de Outubro de 2020

As mulleres do mar toman a palabra

RR_Noticias

O BNG de Redondela organiza un acto público sobre o traballo das mulleres no mundo do mar no que participarán representantes do sector como a presidenta de Amarturmar, Nuria Novelle, a vicepatroa da confraría de Redondela, Ana Belén Sotelino e a presidenta da agrupación de mariscadoras, Esmeralda otero. O acto terá lugar o xoves ás 20:00 horas na Casa da Cultura e contará tamén coa intervención da deputada no parlamento galego e voceira de pesca, Montse Prado.

Unha mesa redonda na que falarán en primeira persoa da problemática do traballo das mulleres na pesca así como da recente visita ao parlamento europeo, a onde se trasladaron para formar parte da delegación galega que participou na xuntanza da rede europea de mulleres da pesca (AKTEA). A delegación galega trasladou ao parlamento europeo a situación da pesca e o marisqueo en Galicia dende unha perspectiva de xénero, afondando e buscando solucións para o trato desigual entre homes e mulleres en diferentes actividades do sector, dende o emprego ás condicións de traballo, pasando polo salario ou as cotas na pesca. Destes temas falarase nesta charla-coloquio que estará presentada pola concelleira do BNG, Jessica Garcia.  

Nuria Novelle presidenta Amarturmar
Explicarán o que deu de si o encontro mantido en Bruxelas con outras mulleres do mar
Ana Belén Soteliño vicepatroa confraría Redondela
Principais reivindicacións das traballadoras do mar

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *