Hoxe é Domingo 25 de Outubro de 2020

A Banda de Música de Chapela celebra os seus 25 anos de vida sobre o escenario

RR_Noticias

Esta formación musical actuaba por primeira vez o 11 de febreiro de 1995. 25 anos despois segue sobre o escenario aínda que tanto os seus integrantes como o seu director foron mudando neste longo percorrido. Dos seus pioneiros quedan tan só os irmáns Daniel e Roberto Barcia e a actual directora da Escola de Música de Chapela, Begoña Rial, que se manteñen en activo dentro desta formación que reúne a 40 persoas baixo a batuta de Andrés Álvarez. Para conmemorar un aniversario tan especial, este sábado ofrecen un concerto ás 19:00 horas no Multiúsos do Piñeiral do Crego con entrada de balde.

O 11 de febreiro de 1995 facía a súa presentación oficial a “Banda de Música Xuvenil de Chapela”, baixo a dirección de Juan Carlos Díaz Álvarez. Seguiríanlle ao fronte da formación Lourenço Filipe da Silva Cruz, Francisco Abal Rosales, Severino Pedrosa, Santiago Barreira ata chegar ao 2014 cando toma a batuta o novo director, Andrés Álvarez Hernández. Lembra Rial que houbo momentos moi importantes nestes anos. A gravación e publicación de diferentes discos, actuacións en lugares tan afastados como Venezuela, concertos nos que estrearon obras inéditas, participación en diferentes festivais… Momentos tan especias como o que vivirán mañá cando reúnan no escenario aos directores que durante estes anos pasaron pola Banda así como outros músicos que tamén formaron parte desta gran familia. Adianta tamén que este 2020 será un ano de celebración “queremos festexar este aniversarios facendo un acto cada mes, xa temos pechado un concerto con Pelepau, un concerto didáctico ou a elaboración dun documental”. Na actualidade a “Banda de Música de Chapela” conta con máis de 40 músicos, con idades comprendidas entre os 9 e os 45 anos. Ademais conta na súa escola de música con 240 alumnos con idades comprendidas entre os 0 e os 70 anos, e impártense clases de música tradicional, clásica e moderna. Parte deste alumnado pasará pronto a formar parte da mesma agrupación.  

Begoña Rial integrante da Banda
Lembra a orixe e os momentos máis salientables da formación
Concerto moi especial
Pasarán antigos integrantes e os cinco directores que a dirixiron
Un 2020 cheo de celebracións
Cada mes realizarán algún acto

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *