Hoxe é Mércores 25 de Novembro de 2020

Rivas defenderá os intereses dos redondeláns “fronte a quen sexa” en referencia á PassVigo

RR_Noticias

A alcaldesa sae o paso ante as declaracións do PP nas que instaban o goberno local a defender os intereses dos vecinos no caso de que o alcalde vigués decida presentar recurso contra a sentenza que elimina o requisito de empadroamento para acceder á tarxeta Pass Vigo. Asegura Digna Rivas que como alcaldesa de Redondela “ao contrario que o meu antecesor no cargo que so facía o que lle mandaban dende Santiago, eu non teño máis prioridade que a defensa dos intereses das miñas veciñas e vecinos fronte a quen sexa e en calquera circunstancia”.

A rexedora redondelá cualificou de “chiste” que o Partido Popular diga que “fará executar a sentenza do PassVigo cando o certo é que a sentenza se está executando xa de xeito automático dende que foron aceptadas as medidas cautelares”. En todo caso, sorpréndelle a alcaldesa que o PP “poida facer semellante reflexión sobre a sentenza que deixa claramente demostrado que o único que busca non é o beneficio da veciñanza senón a rendibilidade política”.
Rivas lembrou que a súa chegada ao Goberno local, o Concello tiña varios procesos xudiciais abertos iniciados polo anterior alcalde e lamenta que o se antecesor nunca optara pola vía do diálogo para resolver un tema importante para a veciñanza como a tarxeta de transporte. “Bas nunca intentou buscar unha solución co alcalde de Vigo e optou directamente pola vía do enfrontamento seguindo as liñas que lle marcaban dende Santiago”.
O Concello, engadiu Rivas, ten abertos tres procesos xudiciais iniciados polo anterior goberno “e en ningún momento manifesteime sobre eles por unha simple cuestión de respecto institucional, respecto aos veciños e veciñas, e respecto ás decisións das xuízas e xuíces”.
Neste sentido lembra que hai dúas semanas o Concello de Redondela perdeu un proceso xudicial que mantiña contra a Deputación de Pontevedra a raíz do Plan DepoRemse. “Un tema no que o meu antecesor sabía, perfectamente, que a Deputación actuara conforme á lei e, non obstante, iniciou este proceso cunha clara intencionalidade política e seguindo ordes”, engade Digna Rivas quen matiza que “deixei que o proceso seguira o seu curso porque son os xuíces e xuízas os que teñen que decidir e os políticos temos que dar exemplo e ser os máis respectuosos coa independencia xudicial”.
Non dubida a alcaldesa de Redondela que todo isto responde “a unha campaña de descualificación ante o inicio dunha cita electoral” unha táctica na que, afirma, “non vou entrar. 
 
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *