Hoxe é Venres 23 de Outubro de 2020

Lembranza das vítimas redondelás do Holocausto no Día da Memoria

RR_Noticias

Olimpio Míguez Pazos, Antonio Piñeiro Otero, José María González e Alejandro Otero, foron catro dos douscentos galegos que sufriron os horrores dos campos de concentración nazis. Só un deles conseguiría sobrevivir. Cando se cumpren 75 anos do comezo da liberación, o Colectivo Republicano e o Concello de Redondela fan un chamamento a non esquecer.

“Extorsión, tortura, horror e morte”. Iso eran os campos de concentración nos que seis millóns de xudeus e máis de dez millóns de nenos e nenas, mulleres e homes foron exterminadas polos Nazis no que é considerado como o maior xenocidio do século XX. Así se lembrou este luns no Multiúsos da Xunqueira a través das palabras do fillo de Francisco Pena Romero (Boiro), un dos deportados galegos ao campo de Mauthausen. A fame, o frío, os traballos forzados, o maltrato, eran a vida cotiá nestes campos de exterminio dos que só uns poucos conseguiron saír. Entre eles o pai de Francisco Pena. Como membro do exército francés, Pena, era detido o 22 de xuño de 1940 e confinado no campo de prisioneiros de Estrasburgo. Cinco meses despois era deportado a Mauthausen, o coñecido como campo dos españois. Resistiu aos longos invernos con temperaturas xélidas que alcanzaban os vinte graos baixo cero, ás enfermidades, á fame e ao traballo nunha canteira de granito. Alí permaneceu, cinco anos, até a chegada das tropas estadounidenses o 5 de maio de 1945. Un relato que se asemella moito ao vivido polos máis de 4.000 españois que pasaron por estes campos de exterminio e que foron lembrados, neste 27 de xaneiro, o Día Internacional en Memoria das Vítimas do Holocausto. Unha xornada que, en palabras do concelleiro de Cultura, Daniel Boullosa, “serve para combater o discurso do odio e axudar a entender que é o que pasa cando permitimos que prosperen os prexuízos de odio” Dende o Colectivo Republicano fan fincapé na necesidade “da verdade, a xustiza, a memoria e a reparación que si se deron en países como Francia ou Alemaña pero non así en España”  

Fillo de Francisco Pena
Lembra o horror que viviu o seu pai no campo de Mauthausen
Daniel Boullosa Concelleiro Cultura
Boullosa desta a importancia destes actos para combater o discurso do odio
Pedro Vieitez Colectivo Republicano
Fai referencia aos catro deportados redondeláns
Markos Lareira Colectivo Republicano
Piden a xustiza e reparación que se deron noutros países como Alemaña ou Francia

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *