Hoxe é Xoves 21 de Xaneiro de 2021

O Concello organiza unha carreira de orientación para todas as idades

RR_Noticias

A concellería de Deportes e Xuventude convida á cidadanía a participar nesta proba que terá lugar o vindeiro domingo 22 de decembro.Trátase dunha carreira apta para tódolos públicos e condicións físicas. O prazo de inscrición, completamente de balde, remata o xoves 19 e debe formalizarse no enderezo electrónico de toxoaventura.

Esta actividade de Orientación levará aos participantes a desenvolver un percorrido polo casco urbano de Redondela. A inscrición pódese facer de xeito individual ou en grupo (equipos), e existirán 3 categorías diferentes: Toxiños, para os menores de 9 anos que deberán ir acompañados dun adulto; Toxos, categoría con maior dificultade física e técnica orientada a adultos ou nenos e Toxeiras, pensada para persoas con altos coñecementos en orientación.
A proba dará comezo ás 10:30 horas na zona do Multiusos e consistirá en atopar unha serie de puntos (denominadas balizas), espallados polo entorno urbano.
Para lograr este obxectivo os participantes contarán cun mapa creado especificamente para este tipo de carreiras e, aínda que non se trata dunha proba competitiva, o equipo gañador será aquel que faga correctamente o percorrido no menor tempo posible.Os participantes contarán para isto cunha tarxeta electrónica que lle facilitará a organización, para comprobar que o percorrido é válido.
Ao rematar a carreira, a organización disporá dun pequeno avituallamento para todos os participantes.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *