Hoxe é Luns 19 de Outubro de 2020

Un renovado C.D. Arcade pelexará un ano máis pola permanencia na Primeira Galega

RR_Noticias

O equipo, actualmente no 8º posto da táboa, comezou a liga co obxectivo da permanencia.  O presidente, Miguel García, está moi satisfeito co rendemento do equipo “ao que se incorporaron moitos rapaces da canteira”. O domingo xogarán no difícil campo municipal da Chanciña, ante o Campo Lameiro.

Logo da excelente campaña da pasada temporada, na que se meteron na fase de ascenso, o Arcade sufriu moitos cambios. Á marcha do adestrador, Juan Amoedo, sumouse a de seis xogadores importantes do plantel. O club confeccionou un novo equipo, ao que se engadiron xogadores xóvenes da canteira, mesmo xuvenís que xa debutaron co equipo en Primeira Galicia. O grupo está dirixido esta temporada por Rafa Vázquez. O adestrador ten xa experiencia nesta categoría, e segundo explica García, o seu obxectivo vai ser a permanencia “igual que o ano pasado”. Polo de agora, tras cinco xornadas disputadas, o Arcade suma 7 puntos, tras dúas vitorias, dúas derrotas e un empate. Destaca a súa faceta goleadora, con 11 dianas, por riba de equipos que están na parte alta da táboa, como Cuntis que é 2º con 10, o Marcón que é 3º con 7, ou o Alertanavia que é 4º con 6 goles. O xogo do equipo é moi similar ao do ano pasado, segundo o presidente, que sinala que a diferencia este ano é que faltan “algúns xogadores que definan máis de cara ao gol”. Con todo, amósase moi satisfeito co rendemento do equipo, e confía en que os xogadores máis novos vaian collendo experiencia na categoría para que o equipo siga medrando. No club apostan pola canteira, coa incorporación de xogadores do xuvenil ao equipo sénior. Campo Lameiro-Arcade A próxima fin de semana visitan o céspede do Campo Lameiro, equipo situado na metade baixa da táboa, pero que vén de empatar no Monte da Mina co Castrelos. García advirte que o rival “é moi forte no seu campo e será un partido díficil polas condicións do seu terreo de xogo”. O partido será no Campo Municipal da Chanciña, o domingo ás 17.00 horas.

Miguel García presidente do C.D.Arcade
Segundo explica García o seu obxectivo vai ser a permanencia "igual que o ano pasado".
Festival de goles
Destaca a súa faceta goleadora con 11 dianas por riba de equipos que están na parte alta da táboa.
Aposta pola canteira
Ante a saída de moitos xogadores no mercado de verán o club incorporou a futbolistas xóvenes da canteira.
Campo Lameiro-C.D.Arcade
García advirte: "é moi forte no seu campo e será un partido díficil polas condicións do seu terreo de xogo".

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *