Con motivo da posta en servizo da remodelación do pavillón municipal, estas instalacións acollerán este sábado ás 19:00 horas un festival deportivo no que intervirán os clubs Patinaxe Artística Soutomaior, Kick Boxing Club Arcade e Club Treboada de ximnasia rítmica e acrobática. Máis de 170 deportistas do tres clubs, que forman parte das escolas deportivas, porán a proba as remodelacións desta instalación deportiva.
No pavillón realizáronse melloras consistentes na substitución do pavimento deportivo tipo areaelastico con acabado de haxa sobre soportes elásticos de caucho así como o desmonte e retirada da instalación de fontanaría actual en ferro galvanizado, elementos de conexión, chaves de paso, válvulas mesturadoras, fluxores, chaves e rociadores e substitúense por novas unidades temporizadas.
Mellorouse a iluminación tanto interior como exterior da zona e substituíronse os taboleiros de baloncesto por uns de metacrilato de resistencia a impactos elevada e con aros de canastra basculantes conforme ás esixencias da normativa FIBA e instalarase un sistema de adaptación de altura de baloncesto para minibasquet.
