Hoxe é Domingo 25 de Setembro de 2022
Stations
NOTHING FOUND!
Current listeners: 
Peak listeners: 

Redondela celebra o Día das Persoas de Idade cunha xornada interxeracional

RR_Noticias

Preto de 200 persoas entre maiores e mozos, tiveron a oportunidade de intercambiar experiencias nesta actividade organizada pola recen creada Concellería da Terceira Idade. O programa de actos tivo que ser trasladado ao pavillón municipal, xa que o mal tempo impediu realizar as actividades na Alameda, tal e como estaba previsto.

As inestables condicións meteorolóxicas obrigaron a que a actividade, que nun principio estaba programada para desenvolverse na Alameda Castelao, fora trasladada ao Pavillón Municipal de Deportes. Alí, mozos e maiores tiveron a oportunidade de asistir ao contacontos A viaxe de Carlota, organizado pola Asociación Afaga para, deseguido, o alumnado de 6º de primaria do CEIP Laredo dar lectura a uns poemas. A xornada remataba cunha actuación musical a cargo de Os Monifates.
Dende a concellería, que preside directamente a alcadesa, Digna Rivas definían o acto como “un moi interesante intercambio de experiencias” e, nese sentido, anuncia a rexedora que se realizarán novas propostas que buscan aproveitar todo o que os maiores teñen por ofrecer e ensinar ao tempo que favorecer a súa participación activa na construción de Redondela”.
Digna Rivas adiantou que, nos vindeiros meses “haberá novidades importantes que irán nesa dirección, a de aproveitar o coñecemento dos nosos maiores como parte imprescindible do desenvolvemento do municipio”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará