Hoxe é Domingo 25 de Setembro de 2022
Stations
NOTHING FOUND!
Current listeners: 
Peak listeners: 

Redondela e Moaña quedan sen voz na Autoridade Portuaria

RR_Noticias

Malia térense cumprido todos os trámites dende o mes de xullo, nas convocatorias segue figurando o nome do exalcalde Javier Bas como representante de Redondela no Consello de Administración do Porto de Vigo. Unha situación que penaliza a alcaldesa de Redondela, Digna Rivas, quen hoxe acudirá ao Consello de Administración do Porto “sen voz nin voto2 ao non ter sido convocada a xuntanza.

Redondela e Moaña quedarán sen voz no Consello de Administración do Porto de Vigo ao figurar na convocatoria como representante do municipio redondelá o exalcalde Javier Bas. Se a primeira vez “puido ser un erro, esta segunda vez demóstrase claramente que é unha actitude intencionada coa que se quere evitar que Redondela e Moaña teñan voz no Consello de Administración”, aseguraran tanto Digna Rivas como Leticia Santos, alcaldesas de Redondela e Moaña, respectivamente.
Redondela e Moaña teñen que repartirse o tempo de representación no Consello, explican as rexedoras locais, “algo que non se fixo nos oito anos anteriores pese a que, dende o Concello de Moaña se requiriu en máis dunha ocasión o seu dereito a estar representada neste órgano de goberno do Porto de Vigo”, sinalan Rivas e Santos.
Agora, a actitude “totalmente sectaria e partidista do presidente da Autoridade Portuaria “deixará sen voz á veciñanza de Moaña e Redondela” algo que segundo Digna Rivas, “era o que se pretendía dado que na orde do día figuran dous temas que afectan directamente a Redondela como é a delimitación de espazos de usos portuarios e, sobre todo, o informe verbal sobre o cargadoiro de mineral de Rande Duchess”.
Tanto a alcaldesa de Redondela como a de Moaña teñen claro que “no Consello de Administración da Autoridade Portuaria non queren voces discordantes” e o informe sobre Rande presentado na última reunión pola alcaldesa Digna Rivas “fixo que moitos dos membros deste órgano de goberno, coñeceran a realidade dos proxectos da autoridade portuaria sobre unha zona incluída dentro da Rede Natura 2000”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará