Hoxe é Venres 27 de Novembro de 2020

O Choco mantén o liderato en Santa Mariña

RR_Noticias

O conxunto redondelán impúxose pola mínima ao Estradense e segue líder de Terceira.Na Preferente Sur de fútbol sala o Redondela goleou ao Verín Sala. Na Primeira de balonmán o Rodosa Chapela impúxose ao Ourense, mentres a SAR de Honra Prata Feminina perdía ante o Lanzarote Zonzamas, actual líder.

Terceira División
Choco 1-0 Estradense
O conxunto de Gonzalo Fernández “Gonza” tivo que traballar arreo para facer valer o seu temperán gol e sumar tres puntos que lle permiten seguir liderando a táboa. Na segunda metade o Estradense aumentou a intensidade, con máis presión, limitando o xogo do Choco. Con todo, o equipo visitante tampouco tivo demasiadas ocasións claras para a igualda, á marxe dun lanzamento de Borja que se foi fóra por pouco. Na próxima xornada o Choco xogará no campo de As Pontes.
Primeira Galega

Arcade 3-1 Unión Dena
O equipo de Soutomaior superou ao pechacancelas do grupo e escala ata o 8º posto. Na próxima xornada visita o campo do Monte da Vila para medirse ao Unión Grove, situado no pozo da táboa.
Segunda Galega

Sampaio 3-0 Cesantes
O equipo anfitrión foi superior e non deu demasiados opcións ao Cesantes, que queda na 12ª posición da táboa. Na próxima xornada reciben á Lama, situado na parte alta da clasificación.
Villar 0-2 Val Miñor
Os goles de Iago Caamaño e de Rui Pérez permitiron aos de Nigrán facerse cos tres puntos en San Martiño. O Vilar, 12º do grupo, visitará o domingo do campo do Chaín, que é 7º.
Terceira Galicia

Chapela 1-0 Teis
Vitoria pola mínima do Chapela no derbi ante o Teis, que lle permite subir á parte alta da táboa. Na próxima xornada visita o campo do Independente, 14º.
Vigo 2015 2-0 Nespereira
O Nespereira aínda non foi quen de sumar esta temporada, e sitúase no pozo da táboa. O domingo recibirá ao Oiense.
Fútbol Sala Terceira División

Praias de Barreiros 2-0 Pazos de Borbén
Bo partido do Pazos que pagou cara a falta de acerto ante a portería rival. No primeiro tempo os de Barreiros aproveitaron dúas rápidas transicións para irse 2-0 ao descanso. Na segunda parte o dominio foi do Pazos, que desaproveitou numerosas ocasións de gol. Esta semana preparan o segundo partido de liga, reciben ao Ganomagoga Vigo IES Coruxo, gran candidato ao ascenso este ano.
Fútbol Sala Preferente Sur

Verín Sala 0-8 Redondela Maramar
O Redondela sobe á 6ª praza do grupo logo de golear en terras ourensás ao Verín Sala. Máis complicado o terá o conxunto redondelán na próxima xornada, xa que recibe na casa ao Lume Corbatas, 2º clasificado e aspirante ao ascenso. O partido será o domingo ás 16.15 horas.
Campito 3-5 Apóstol
Disputado partido en Chapela que finalmente levou o equipo vigués, líder do grupo. Na próxima xornada o Campito desprázase para xogar na pista do Cesures, que suma dous puntos máis que os de Chapela.
Balonmán División de Honra Prata Feminina

SAR Rodavigo 20-26 Lanzarote Zonzamas
Segue sen sumar puntos a SAR Rodavigo logo da derrota ante o equipo canario, que se sitúa sitúa líder da clasificación. A próxima xornada as de Chini disputan o derbi comarcal no pavillón do Porriño, segundas clasificadas.
Primeira Nacional

Rodosa Chapela 30-27 Ourense Carnes do Ribeiro
Os de Teixeira comezaron con moita superioridade, con 20-9 a favor ao descanso. O Rodosa sufriu máis na segunda parte, pero conseguiron manter a vantaxe e sumar unha vitoria na primeira xornada. Esta fin de semana xogarán no pavillón do S. Cañiza.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *