Hoxe é Domingo 25 de Setembro de 2022
Stations
NOTHING FOUND!
Current listeners: 
Peak listeners: 

Redondela paraliza a instalación dun local de apostas por carecer de licenza

RR_Noticias

O Concello vén de comunicar á empresa Unión de Operadores Reunidos que deberá paralizar calquera tipo de obra que se estea a realizar no local situado na Avenida Ernestina Otero, 47 de cara a adaptalo a salón recreativo e de xogo, “en tanto non presente a solicitude de licenza de instalación da actividade con comunicación previa de obra”, segundo figura no informe emitido, a petición da Alcaldía, pola Técnica de Urbanismo do Concello.

Unha vez que a empresa reciba a comunicación do Concello, explica a alcaldesa Digna Rivas, “non poderá realizar ningún tipo de obra no local ata non dispoñer da documentación que se require, segundo a normativa municipal, a calquera negocio para poder desenvolver a súa actividade”.
Rivas asegura compartir “como alcaldesa e como nai a preocupación dos veciños e veciñas pola instalación deste tipo de locais” malia recoñecer que os concellos teñen “escaso marxe de manobra” unha vez que as empresas presenten toda a documentación que lle esixe a legalidade vixente para a posta en marcha do seu negocio, documentación que, apunta, “será estudada con minuciosidade por parte dos departamentos técnicos do Concello”.
A alcaldesa adiantou que en vindeiras datas manterá unha reunión coas ANPAS e a comunidade educativa dos diferentes centros escolares “para dar conta, polo miúdo, de toda a información que precisen sobre este tema”.
Rivas subliñou a necesidade de que por parte da Xunta de Galicia, se estableza “unha zona de exclusión para o funcionamento deste tipo de locais, de xeito que non poidan facelo nas inmediacións de centros escolares, parques infantís ou lugares onde habitualmente reúnase á mocidade”.
Lembramos que hoxe ás 20:00 horas o BNG convocou a colectivos e asociacións a unha reunión no seu local, na praza da Constitución, para abordar este tema.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará