Hoxe é Mércores 17 de Agosto de 2022
Stations
NOTHING FOUND!
Current listeners: 
Peak listeners: 

A eliminación da peaxe en Rande pasa, segundo Audasa, pola ampliación da autoestrada ata Vigo

RR_Noticias

A liberalización da peaxe na AP-9 entre Redondela e Vigo segue sen formalizarse malia o compromiso adquirido polo Ministerio de Fomento baixo a dirección do popular Íñigo de la Serna e que apuntaba a que esta taxa sería eliminada en xullo do pasado ano. Agora Audasa apunta a que esa liberalización só será posible no caso de ampliar o tramo da autoestrada que discorre entre Chapela e a cidade para poder asumir o incremento de vehículos que pasaría a empregar este vial unha vez fora de uso gratuíto.

Adianta así a empresa o seu interese en prolongar a ampliación da ponte, engadindo tamén un novo carril ao tramo urbano da AP-9. Aseguran dende a concesionaria que no caso de liberalizar a peaxe esta estrada experimentaría un incremento importante de tráfico o que provocaría un efecto de “funil” na entrada á cidade.
Unhas novidades que se deron a coñecer con motivo do premio que os responsables da obra de ampliación da Ponte de Rande recollían onte en Nova York. A xuízo da Asociación Internacional de Pontes e Enxeñería estrutural, a ampliación con dous novos carrís na AP-9 ao seu paso sobre a vía supuxo todo un fito, tendo en conta ademais que se trata da primeira ampliación dunha ponte atirantada en todo o mundo e que se realizou mantendo activo o tráfico na autoestrada entre as dúas beiras da ría.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará