Hoxe é Domingo 25 de Outubro de 2020

Ignacio Vilar: “Redondela, a súa xente e as súas lendas tamén son protagonistas da película”

RR_Noticias

O último filme do realizador galego Ignacio Vilar está a rodarse estes días en Redondela, ademais doutras localizacións como Cangas e Vigo. A vida de María Solinha mistúrase coa historia de veciños de Redondela e a lenda da Coca, co dragón como protagonista.

O equipo técnico e artístico de María Solinha ten hoxe unha intensa xornada de actividade en Redondela. Pola mañá en Reboreda, na casa do pintor Ángel Barros, e pola tarde na praza Reveriano Soutullo. A historia desta canguesa do século XVII “que quería ser libre e morreu na fogueira acusada de bruxería” centra a película. Pero a súa vida mistúrase con outras historias, con lugares e lendas. Vilar explica que cando comezou a traballar nos preparativos do filme foi coñecendo historias que pasaron a formar parte da película. Como a lenda da Coca, que será o dragón que aínda hoxe, aínda que con outra faciana “segue a atacar e ultraxar ás mulleres”. Vilar amosa o seu desexo de que a sociedade de hoxe “teña a mesma valentía que aqueles mariñeiros de Redondela que acabaron co dragón, que agora no século XXI ataca ás mulleres en manada”. Por iso Redondela, a illa de San Simón onde se refuxiaba a Coca e Cesantes son tamén protagonistas da película, ao igual que vidas como a do pintor Ángel Barros. A obra do artista redondelán, con réplicas de Goya ou Velázquez, deixou impresionado a Ignacio Vilar, que esta mañá gravou esceas da película na casa do pintor, en Reboreda. Figurantes para recrear a Festa da Coca Para a rodaxe desta tarde buscan figurantes. Os interesados deben achegarse hoxe venres á Praza Reveriano Soutullo de 14.30 a 20.30 horas. Os figurantes participarán nunha recreación da Festa da Coca coa Danza das Espadas e as Penlas, que formará parte da película. Hai unha segunda cita o 13 de setembro, no Multiúsos da Xunqueira, en horario de 10.00 a 14.00 horas e pola tarde de 15.30 a 20.00 horas para gravar unha das escenas centrais da longametraxe, que narra a vida da canguesa María Solinha, acusada de bruxería no século XVII. Os interesados poden contactar co equipo técnico no teléfono 615411090 ou no enderezo electrónico xacabla@gmail.com.

Ignacio Vilar director de cine
Vilar explica que cando comezou a traballar nos preparativos do filme foi coñecendo historias que pasaron a formar parte da película.
A lenda da Coca
A Coca é o dragón que aínda hoxe "segue a atacar e ultraxar ás mulleres".
Pinturas de Ángel Barros
O equipo de rodaxe gravou esta mañá esceas na casa do pintor redondelán Ángel Barros.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *