Hoxe é Luns 20 de Setembro de 2021
History
Stations
NOTHING FOUND!

Noya e Cal dominan en Cesantes

RR_Noticias

O pentacampión do mundo, Javier Gómez Noya, e a nadadora do Náutico de Vigo, Lucía Cal, subiron ao máis alto do podio na VI Travesía a Nado San Simón. Un total de 185 deportistas completaron a proba disputada en augas de Cesantes na mañá do sábado.

A travesía, organizada pola Asociación Deportiva CAR contou cunha nutrida participación de nadadores e triatletas profesionais. O percorrido, con saída e chegada na praia de Cesantes, logo de rodear a illa de San Simón, realizouse sen contratempos nunha xornada espléndida para a natación. A proba comezou ás 11.00 horas, e o máis rápido foi o ferrolán Gómez Noya, que empregou 19 minutos e 32 segundos. Foi segundo o tamén triatleta Víctor Benages, a nove segundos; Romaric Forques, terceiro a 15; e Vicente Hernández, cuarto a 22. En categoría feminina, a xoven nadadora do Real Club Náutico de Vigo Lucía Cal, de 15 anos, dominou a proba, logo de chegar á meta na novena praza da clasificación absoluta. Cal fixo un tempo de 22 minutos e 39 segundos. Ana Pérez García Picher, do Club Natación Galaico, foi prata, con 42 segundos máis, e Tamara Gómez completou o podio a 49 segundos da gañadora.
A sexta edición da Travesía a Nado San Simón celebrouse este sábado, día 24, logo ter que aprazarse o pasado día 11 debido a unha vertedura. O cambio de data non supuxo problemas de participación e volveu ser todo un éxito, tanto pola cantidade como pola calidade dos nadadores, co que se consolida como unha das probas de verán máis atractivas da ría.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *