Hoxe é Venres 23 de Outubro de 2020

Redondela ofrece cursos de comunicación dixital para asociacións e colectivos do municipio

RR_Noticias

Desde a Concellería de Participación Cidadá tamén solicitan a todos as asociacións que envíen ao Concello a súa información de contacto para actualizar as bases de datos. A intención é iniciar “unha nova etapa de participación cidadá na que todas as asociacións dispoñan da mesma información e teñan as mesmas oportunidades”.

A Concellería de Transparencia, Novas Tecnoloxías e Participación Cidadá solicita a todas as Asociacións, Comunidades de Montes, ANPAs, etc., que remitan o antes posible os seus datos de contacto á dirección electrónica transparencia@redondela.gal. O que se require é que se facilite ao Concello unha dirección de correo electrónico, así como un teléfono de contacto, para poder actualizar a base de datos do Concello. A concelleira Susana Couñago explica que o movemento asociativo “é moi importante en todo o municipio de Redondela”, e o obxectivo do seu departamento é estar “en contacto permanente cos colectivos”, para recibir información das actividades que realizan e tamén para informalos das actuacións que se poñen en marcha por parte do Concello. Lamenta que, o feito de non ter os datos de contacto actualizados, obriga ás veces a facer “case unha labor de investigación” para dar cos directivos das asociacións. Couñago sinala que o actual equipo de goberno quere facer da Participación Cidadá e da Transparencia “os dous piares básicos da súa acción política”. Advirte que para iso “é necesario que a comunicación coa veciñanza sexa fluída e de dobre dirección”. O Goberno entende que as Asociacións Veciñais de todo tipo (parroquiais, deportivas, culturais, etc.) deben ser “as canles de interlocución naturais co Concello”. Antes de iniciar a nova política de Transparencia e Participación, quérese ter os datos o máis actualizado posible “para que todas as asociacións do Concello dispoñan da mesma información e teñan as mesmas oportunidades, por exemplo, para acceder a axudas municipais.” Curso de comunicación dixital Neste sentido, a Concellería de Transparencia, Novas Tecnoloxías e Participación Cidadá vai levar a cabo uns cursos de balde dirixidos a todas as entidades e asociacións de Redondela sobre a Administración Electrónica. Nestes cursos explicarase o funcionamento do certificado dixital (trámites, solicitudes) así como o uso da sede electrónica do Concello de Redondela (manexo da páxina, presentación de escritos, subvencións, etc.). Os cursos impartiranse nunha xornada única, cunha duración aproximada de 3 horas, os venres día 16, 23 e 30 de agosto en horario de 10:30 a 13:00 horas. Todas aquelas entidades ou asociacións que queiran apuntarse deberán enviar un correo electrónico ao enderezo transparencia@redondela.gal, indicando a entidade, teléfono de contacto, e o número de asistentes (ata un máximo de tres persoas por entidade), indicando o venres de agosto que prefiran asistir. Susana Couñago tamén adiantou que a partir de setembro realizaranse novos cursos de alfabetización dixital pata toda a veciñanza.

Susana Couñago concelleira de Transparencia Novas Tecnoloxías e Participación Cidadá
Couñago explica que o movemento asociativo "é moi importante en todo o municipio de Redondela" e o obxectivo do seu departamento é estar "en contacto permanente cos colectivos".
Actualización de datos
Desde a Concellería de Participación Cidadá tamén solicitan a todos as asociacións que envíen ao Concello a súa información de contacto para actualizar as bases de datos.
Curso de comunicación dixital
Nestes cursos explicarase o funcionamento do certificado dixital trámites solicitudes así como o uso da sede electrónica do Concello de Redondela.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *