Hoxe é Luns 27 de Setembro de 2021
History
Stations
NOTHING FOUND!

Novos roteiros para coñecer en vivo a arte do xeito e o marisqueo con Amarturmar

RR_Noticias

A asociación, adicada ao turismo mariñeiro, pon en marcha este mes de agosto novas actividades como “Ruta do xeito”, a primeira a nivel estatal para dar a coñecer aos visitantes a pesca da sardiña e a xouba con esta arte. Tamén organizan roteiros para vivir o marisqueo a pé ou a flote, co obxectivo de promocionar a cultura mariñeira ao tempo que coidan o medio e garanten o equilibrio e a sustentabilidade das especies.

Amarturmar naceu hai uns meses, e xa forman parte da asociación unha ducia de persoas (10 mariscadoras e 2 mariñeiros) da confraria de Redondela. As actividades que organizan están dirixidas a todo tipo de colectivos, familias, asociación, particulares, colexios, e tamén de todas as idades e procedencias.
Ruta nocturna do xeito
Este mes de agosto teñen varias saídas programadas para dar a coñecer a captura da sardiña e xouba coa arte do xeito, trátase da primeira a nivel estatal en amosar a labor dunha arte “moi selectiva”. Os participantes poderán ser “mariñeiros por un día”. Desde Amarturmar advirten que esta pesca está sometida a unha cota de capturas, polo que no momento en que se agote o cupo non se poderán facer máis rutas ata o próximo ano. Esta ruta é nocturna de 22:00 a 00:00 horas cun prezo de 20 euros por persoa. Hai confirmadas saídas os días 8, 9, 23 e 30 de agosto con prazas dispoñibles.
Vive o marisqueo a flote
Os días 8, 9, 22, 26 e 27 de agosto farán saídas para vivir de primeira man a experiencia de capturar as distintas especies de moluscos dende un barco na contorna da enseada de San Simón. Os participantes poderán aprender a diferenciar os bivalvos que se extraen na zona e as artes de pesca tradicionais ultilizadas. Esta ruta ten un custe de 15 euros.
Rura con mariscadoras a pé
A primeira saída será este xoves, día 8 de agosto, e desde Amarturmar ofrecen tamén dispoñibilidade calquera día para facer esta ruta, tendo en conta os horarios das mareas. Nesta visita os participantes coñecerán a importancia do marisqueo na enseada de San Simón, poderán diferenciar as especies e ferramentas utilizadas polas traballadoras de Cesantes, dende a extracción e captura das ameixas, as súas medidas e como chega á lonxa para ser subastada. Ten un custe de 8 euros por persoa, os nenos ata 6 anos de balde. Esta ruta pode completarse cunha visita á depuradora Mariscos Inés para ver o proceso de depuración e trazabilidade do producto, cun preao de 5 euros por persoa.
Na páxina web www.turismomarinero.org está dispoñible o calendario das rutas programadas. Tamén poden informarse no teléfono 621 020 775.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *