Hoxe é Sábado 5 de Decembro de 2020

Gonzalo Fernández “Gonza”: “A próxima temporada confío en repetir resultados ou melloralos”

RR_Noticias

O C.D. Choco confirmou a renovación do seu adestrador Gonzalo Fernández “Gonza”, que cumprirá a súa segunda campaña á fronte do club redondelán de Terceira División. O técnico amósase “contento” co balance da pasada temporada e coa renovación. Agora traballa para confeccionar un plantel “o máis copetitivo posible”.

O técnico debutou a pasada en Terceira División cunha meritoria sétima posición, e mesmo chegou ás últimas xornadas de liga con opcións de clasificar ao Choco para a fase de ascenso, pero quedaron ás portas. Coa renovación de “Gonza” e o seu equipo técnico, o club valora o traballo feito. O adestrador amósase “agredecido” pola confianza, e recoñece que era “unha aposta arriscada. Como xa é habitual cada verán, o club terá que afrontar unha importante renovación de xogadores, xa que son moitos os equipos que “pescan” no Choco. “Gonza” tentará pechar un equipo “o máis competitivo posible” e intentar suplir as baixas con xogadores “de garantía”. Entre os futbolistas que deixan o equipo redondelán están Samuel Santos e Xian Rodríguez, que ficharon polo Raio Vallecano B. Por outra banda o club xa renovou a ficha de xogadores importantes como Cortegoso, o seu capitán, Félix Rial, Yerai, Caloi, Jacobo ou Aitor, que seguirán unha tempada máis no conxunto de Santa Mariña, aos que se sumarán tamén xogadores da canteira. O equipo comezará a pretemporada o 15 de xullo.

"Gonza" adestrador do C.D. Choco
O técnico amósase "contento" co balance da pasada temporada e coa renovación.
Cambios no once
Como xa é habitual cada verán o club terá que afrontar unha importante renovación de xogadores.
Renovacións
"Gonza" traballa para confeccionar un plantel "o máis copetitivo posible".

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *