Hoxe é Xoves 3 de Decembro de 2020

O BNG reclama ao Concello que apoie a participación do Mendiño no Club de debate

RR_Noticias

Os alumnos de bacharelato do instituto Mendiño fixéronse co primeiro premio da fase provincial do Club de debate que organizan os servizos de Normalización Lingüística de distintos municipios e no que participou por primeira vez este centro de Redondela. Un logro que foi posible grazas ao esforzo intelectual pero tamén económico dos participantes que tiveron que financiarse o desprazamento a Pontevedra, lugar no que se realizaron os debates. Dende o BNG critican que o concello rexeitase colaborar na actividade e reclaman “que o alcalde preste todo o apoio económico necesario para que o alumnado poida continuar participando na seguintes fases do Certame”.

O BNG ademais de trasladar os parabéns a alumnos e profesores por esta iniciativa critican o que cualifican de “actitude manifestamente hostil do alcalde, Javier Bas ante a negativa a colaborar con este grupo de alumnos e alumnas”.  Afirman que os gastos do traslado á capital da provincia para participar no encontro “asumírono en grande parte as familias, ademáis de achegas económicas do propio profesorado”. Consideran “vergoñento que o noso fose o único Concello que non colaborou neste certame”.
Para os nacionalistas trátase dun feito de enorme gravidade, centrando as súas críticas no alcalde, Javier Bas ” quen asumiu a área de normalización lingüística, e en ningún momento quixo saber do tema”. Acrecenta as súas críticas o voceiro nacionalista, Xoán Carlos González, pois hai un mes Redondela adheriuse á Rede de Entidades Locais pola Lingua Galega, organizadora deste evento escolar. “Xa advertimos que a Javier Bas unicamente lle interesaba a publicidade. Agora demóstranse as nosas sospeitas, pois o Certame claramente entra dentro das finalidades da Rede”.
Esixen dende o BNG que o alcalde preste todo o apoio económico necesario para que o alumnado do IES Mendiño, poida continuar participando neste Certame.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *