Hoxe é Venres 23 de Outubro de 2020

A manifestación moteira contra a peaxe da AP-9 confía en congregar a máis de 500 motoristas

RR_Noticias

O Motoclub de Redondela organiza en colaboración co concello esta marcha reivindicativa que se vai celebrar na tarde do sábado 6 de abril. Unha convocatoria “pacífica e festiva” que consistirá en percorrer os sete quilómetros que separan a Avenida Mendiño da rotonda de Cabanas Rande, onde se atopa a cabina de peaxe, para esixir  que se elimine “unha peaxe inxusta e abusiva” en palabras do presidente do Motoclub, Carlos Figueroa.

En plena precampaña vai celebrarse esta marcha moteira que ten como obxectivo sumar a forza dos afeccionados a estes vehículos de motor, a unha petición que tamén lle afecta de cheo “os moteiros tamén estamos afectados directamente como usuarios dese tramo de autoestrada, un dos máis caros de España” explica Figueroa, quen fai un chamamento a todos os que teñan unha moto participar  nesta marcha reivindicativa o vindeiro 6 de abril. A protesta sairá ás 17:00 horas dende a Avenida Mendiño en dirección a rotonda de Cabanas e regreso “en total uns 14 quilómetros nos que os motoristas vestidos de negro trasladarán a súa reivindicación pola N-552”. Confían en congregar a máis de 500 moteiros “porque nos están confirmando a súa presenza afeccionados de Valladolid, Ponferrada, León e Portugal”.  

Carlos Figueroa Motoclub Redondela
Unha reivindicación que tamén lles afecta como motoristas
Marcha día 6 de abril
Motoristas vestidos de negro

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *