Hoxe é Luns 26 de Outubro de 2020

“Troco de Xoguetes” nas antigas Casas dos mestres

RR_Noticias

O colectivo artístico ecoloxista “ArteLixo” realiza este sábado a partir das 17:00 horas unha nova actividade que busca concienciar da necesidade de reducir o consumo e reutilizar neste caso aqueles xoguetes que teñamos por casa e aínda estean en bo estado. Un troco de xoguetes nunha tarde festiva onde a ambientación musical correrá a cargo dos grupos Relámpago, Sete cuncas e Vento e non faltará o tradicional chocolate con churros.

Dende hai xa unha semana o colectivo está a recoller xoguetes no Multiúsos da Xunqueira, pero os que queiran trocar calquera brinquedo tamén poden levalo o propio sábado para facer así ese intercambio. Un mercadiño que servirá para darlle a eses xoguetes unha segunda vida na vez de que acaben no lixo. A activiade terá lugar no recindo das antigas casas dos mestres na Avenida Mendiño. O colectivo organizou a xornada como unha tarde de festa, pero tamén de reflexión nestas datas de consumo masivo: unha aposta por compartir e reciclar. Dende as cinco da tarde comezará o troco dos xoguetes, arroupados pola música e polo sons dos grupos “Relámpago”, “Vento” e os “Sete Cuncas” aos que se pode´ran sumar os que se vaian animando. Comezo da campaña para o CD do “ArteLixo” Dende o “ArteLixo” abren tamén unha campaña de crowfunding de cara a obter fondos para gravar o CD do “ArteLixo” con grupos e artistas da contorna e temas onde se reflexione sobre o lixo e o medioambiente. Coa idea de editar estes disco desde o próximo sábado porán á venda os vales por dez euros cos que se pode reservar o disco e, de paso, colaborar a que o proxecto se poida levar adiante.  

Fon Conde Artelixo
Unha tarde de festa e de troco
Gravación do CD
Poñen en marcha unha campaña de crowfunding

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *