Hoxe é Mércores 28 de Outubro de 2020

O Club de remo de Cesantes demanda instalacións axeitadas para os seus deportistas

RR_Noticias

Así llo trasladaron á candidata socialista á alcaldía de Redondela, Digna Rivas, nunha reunión na que estivo presente tamén o club de remo de Chapela. O obxetivo da xuntanza era coñecer de primeira man as súas necesidades e escoitar as súas achegas. Ambas entidades presentan problemas similares derivados, principalmente, das particulares características que ten o remo para a súa práctica, como é a necesidade dunhas instalacións axeitadas e, fundamentalmente, o elevado custe do material.

En canto á necesidade de contar cunhas instalacións axeitadas, o Club Remo Cesantes está particularmente afectado xa que dende o ano 2011, o Goberno do PP de Redondela adquiriu o compromiso de buscarlles una solución algo que, preto de 8 anos despois, aínda non se produciu.
Digna Rivas, pola súa banda, subliñou a importancia que ten o remo para o municipio ao que considera “un dos grandes patrimonios deportivos con que conta o municipio” que queda reflectido no alto nivel competitivo que teñen ámbolos dous clubs.
A candidata socialista asegurou que se “estudarán vías de colaboración reais, estudadas e programadas” xa que se amosou contraria a “vender fume como fai o actual Goberno do PP que adquire compromisos que, co tempo, quedan sen cumprir”.
“É importante -asegurou Rivas- que estes clubs poidan desenvolver o seu traballo nunhas condicións axeitadas sobre todo tendo en conta que contan cun grande número de rapaces e rapazas, a canteira do remo redondelán, que merecen ter instalacións apropiadas”.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *