Hoxe é Luns 26 de Outubro de 2020

As lesións e os erros lastran ao Choco, que non conseguiu pasar do empata ante o Ourense

RR_Noticias

Un punto que sabe a pouco, logo de que os de “Gonza” fixeran máis méritos para levar o triunfo en Santa Mariña. A fin de semana déixanos vitorias de Arcade e Atl. Vilar na Primeira e Segunda Autonómica, e do Balonmán Chapela na Primeira Nacional masculina.

Terceira división
Choco 2-2 Ourense
O equipo redondelán volveu demostrar que é un dos equipos máis fortes na casa, aínda non perdeu ningún partido en Santa Mariña. Os de “Gonza” foron mellores, fixéronse co balón e dominaron o xogo. Félix anotou o primeiro gol aos 15 minutos de xogo, e pouco despois errou o que podería ter sido o segundo. Pouco antes do descanso o UD Ourense mandou unha falta lateral á area, houbo dous rexeites e logo Víctor Nieves anotou o empate. Na xogada mancouse tamén o mediocentro e central redondelán, Alberto Suárez. Entrou Nacho, nada máis comezar a segunda parte, Hugo García adiantou ao U.D. Ourense. O Choco recuperouse do pau e buscou o empate, que chegou cun gol de Gabri Palmás 12 minutos despois. Logo o Choco tivo ocasións para facerse coa vitoria, pero o balón bateu co longueiro ou erraron no man a man co porteiro visitante. O empate deixa ao Choco na 12ª praza do grupo. Na próxima xornada poderían ter ocasión de mellorar resultados e acadar unha vitoria fóra da casa, xa que visitan o campo do pechacancelas, o Porriño Industrial.
Choco: Cortegoso, Lazcano, Alberto Suárez (Nacho, min. 46), Samu Santos, Caloi (Joao, min. 83), Comis, Gabi Misa, Gabri Palmás, Félix, Cora (Vilas, min. 71).
UD Ourense: Pato Guillén, Gómez, Pablo Álvarez, Nieves, José Rodríguez, Germán, Magisano (Adrián Rodríguez, min. 59), Presas (Fondevila, min. 78), Rubén Rodríguez (Luis, min. 70), Marcos Alonso, Hugo García.
Goles: 1-0, min. 15: Félix; 1-1, min. 45: Víctor Nieves; 1-2, min. 47: Hugo García; 2-2, min. 59: Gabri Palmás.
Primeira Autonómica

Gran Peña 0-3 Arcade
Ao oito minutos xa marcou o primeiro gol o Arcade a través de Eloy e oito minutos despois Juanma de cabeza facía o segundo, o que deixou moi tocado ao equipo vigués. Na segunda metade a Gran Peña tentou meterse no partido, pero o terceiro gol de Antolín, nunha contra, sentenciou o choque. O Arcade agora é 6º, na próxima xornada recobe a un dos fortes do grupo, o Sp. Guardés, 3º.
Segunda Autonómica

Gondomar 2-3 At. Vilar
Importante vitoria a domicilio dos de Mon Sanromán, e no campo dun dos equipos fortes do grupo. Os tres puntos dan tranquilidade ao Vilar, que é 12º. O domingo reciben en San Martiño ao Teis, tres postos por baixo na táboa.
Ponte Arnelas 5-3 Cesantes
Derrota do Cesantes nun encontro con moitos goles, que deixa aos redondeláns no ecuador da táboa. Na próxima xornada reciben ao Deiro, co que están empatados a puntos.
Terceira Autonómica

Arenas Alcabre 2-2 Chapela
Reaprto de puntos no encontro disputado polo Chapela en terras viguesas, malia que os de Redondela demostraron máis e mellor dominio do xogo. Agora son 6º, na próxima xornada reciben ao Oiense, pechacancelas do grupo que ta só suma 1 punto nas 14 xornadas disputadas.
Soutomaior 3-1 Marcón
Triunfo sen problemas para o Soutomaior ante o filial do Marcón. No descanso xa gañaban os locais por 2-0 con goles de Davicín e Sergio. O triunfo mantenos na 2ª posición, a tres puntos do líder, o Pontecaldelas. Na próxima xornada visitan o campo do Santomé, 6º do grupo.
Balonmán Primeira Nacional Masculina

Rodosa Chapela 38-29 Luceros
Vitoria para o Rodosa Bm. Chapela ante un Bm. Luceros que non foi quen de superar o muro defensivo dos de Fran Teixeira. O Chapela foi gañando vantaxe no marcador co partido xa resolto ao descanso com 18-11. Manteñen a 5ª praza, na próxima xornada xogarán na pista do Camariñas, cos rivais na parte baixa da táboa.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *