Hoxe é Martes 20 de Outubro de 2020

Un accidente entre un camión e unha furgoneta obriga a cortar a N550 a altura de Quintela

RR_Noticias

Malia o aparatoso do accidente, non se produciron feridos. O suceso ocorreu ás 8.20 horas cando o vehículo pesado circulaba en dirección a Redondela e colisionou co outro, que levaba dous ocupantes. Un dos condutores implicados deu positivo no test de alcol e drogas.

A Policía Local de Redondela foi a primeira en chegar ao lugar do suceso, onde despois colaborou cos equipos de urxencias sanitarias, protección civil, Garda Civil e os bombeiros do Porriño. Malia a espectacularidade do accidente, non houbo feridos, pero o carril de circulación en sentido O Porriño tivo que ser pechado ao tráfico para a retirada do camión e a limpeza da calzada. A consecuencia do impacto o camión quedou atravesado no vial e coa cabeza tractora sobre o valado, con risco de cair por un desnivel no arcén. A furgoneta resultou tamén moi danada aínda que ningún dos ocupantes dos vehículos sufriu danos. Segundo a policía local de Redondela, un dos condutores implicados deu positivo no test de alcol e drogas. Ata a zona despregáronse efectivos de urxencias e os bombeiros do parque comarcal do Porriño, que traballaban para atallar a fuga do depósito de combustible do camión para evitar máis vertidos.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *