Hoxe é Domingo 25 de Outubro de 2020

Javier Bas anuncia novas mobilizacións pola supresión da peaxe da AP-9 en Rande

RR_Noticias

O alcalde de Redondela informou ao delegado territorial, Ignacio López-Chaves, sobre as reclamaciones dos veciños e as medidas adoptadas ata a data para esixir a súa inmediata eliminación. Lembra que o próximo día 13 celebrarase unha nova reunión da comisión de seguimiento das obras de ampliación de Rande, esperan de Fomento “unha resposta ás súas reivindicacións”.

O alcalde de Redondela, Javier Bas, e a portavoz do Goberno local, Carmen Amoedo, reuníronse co delegado da Xunta en Vigo, Ignacio López-Chaves, para informarlle dos pasos que están dando no marco das súas reivindicacións “para a inmediata supresión da peaxe de Rande”. Durante a cita, o rexededor redondelán trasladoulle o seu agradecemento ao goberno galego “pola súa implicación na liberalización dos movementos entre Vigo e Redondela pola AP-9”. Bas trasladou ao representante autonómico as reclamacións dos veciños e anuncioulle novas mobilizacións co obxectivo de manter viva a “presión social”. Bas denuncia que Redondela segue a pagar “unha das peaxes máis caras de España, mentres noutros lugares se reduciron ou se anuncian bonificacións”. Malia o compromiso de Fomento de eliminar a peaxe en xullo, e logo do cambio de goberno, “seguimos á espera”, engade Bas. Asegurou que seguirán coa “presión social” na mesma liña das protestas realizadas ata agora, como a do pasado sábado, convocada polas Asociacións de Veciños de Chapela e Teis, que consistiu en abonar a taxa en céntimos “e resultou un éxito de participación”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *