Hoxe é Venres 30 de Outubro de 2020

As parroquias redondeláns coñécense nos bares

RR_Noticias

A campaña “Café con letras” leva a memoria e peculiaridades das parroquias redondelás a oito cafés do municipio a través da colección de libros promovido polo Servizo de Normalización sobre as parroquias, que pretende pór en valor o seu patrimonio material e inmaterial. Ventosela, Trasmañó e Cesantes son as primeiras, pero a iniciativa continuará o próximo ano con outras tres até completar as 13 parroquias do municipio.

Tomar un café mentres coñecemos as nosas parroquias, charlar sobre o seu pasado sobre os cambios que viviron e coñecer as súas peculiaridades é o obxectivo da campaña “Café con letras” posta en marcha entre o concello de Redondela e a Asociación de Empresarios, que levará a colección de libros sobre as parroquias até oito establecementos hostaleiros do municipio. Unha iniciativa que pretende difundir e dar a coñecer o patrimonio cultural, histórico, artístico, natural e etnográfico de Redondela a través destas publicacións que dan unha visión moi particular de cada unha das parroquias a través dos propios veciño. Así a publicación de Trasmañó foi realizada polo arqueólogo Xurxo Constela, que facía fincapé na importancia do proxecto para darlle visibilidade á riqueza que temos na nosa contorna máis próxima. Lola Míguez e Olga Nogueira foron as encargadas das publicacións de Cesantes e Ventosela, que contan coa ilustración do artista Ángel Barros. Dada a boa acollida das publicacións, a iniciativa continuará o próximo ano, segundo anunciaba a concelleira de Cultura, Teresa París, con outras tres parroquias así como cunha nova tirada de Ventosela, Trasmañó e Cesantes que xa case esgotaron os seus exemplares de distribución gratuíta.  

Concelleira cultura Teresa París
Difundir ás parroquias é o obxectivo desta iniciativa que as leva até oito bares de Redondela
Presidente Asociación Empresarios
Enrique Lago amosaba o apoio dos empresarios a este tipo de iniciativas que fomenta a nosa cultura e promove a hostalería local
Arqueólogo Xurxo Constela
Constela foi o escritor do libro dedicado a Trasmañó. O arqueólogo destacaba a importancia de iniciativas como esta para o noso patrimonio
Máis parroquias en 2019
A concelleira Teresa París anunciaba que continuarán coa iniciativa o próximo ano coa publicación de tres parroquias máis

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *