Hoxe é Xoves 22 de Abril de 2021

Diana Tarín: “Cada concerto é único”

RR_Noticias

A cantante, pianista e percusionista Diana Tarín actuará este sábado en Redondela acompañada polo Alberto Vilas Quartet e o guitarrista Lorenzo Boo. No concerto percorrerán estilos como o jazz, distintos ritmos latinos, bossanova ou boleros. Tarín advirte que cada actuación en directo “é única” e que a cita de Redondela será “especial” debido ao cariño que ten por esta vila.

O auditorio do Multiúsos da Xunqueira acolle a cita mañá sábado ás 20:00 horas. De orixe africubana, Tarín leva anos asentada en Galicia. Defínese como unha cantante “atrevida” capaz de misturar ritmos galegos e africanos, sempre en “constante evolución”. Artista versátil, no concerto o público poderá gozar dun amplo universo musical, que pasa polo jazz, a bossa nova, funky, soul ou o bolero. Explica que cada actuación en directo é diferente, e malia saír a escea cos mesmos músicos “cada concerto é único”. As entradas están dispoñibles no propio auditorio, a 7 euros, e 5 coa tarifa reducida. Pódense reservar no 986402865.

Diana Tarín
Sinala que farán un percorrido por diferentes estilos e que cada concerto é único.
Concerto especial
Tarín advirte que a actuación de Redondela será "especial" debido ao cariño que ten por esta vila.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *