Hoxe é Luns 23 de Novembro de 2020

“Síntomas nas demencias”, unha charla de AFAGA para axudar aos enfermos e ás familias

RR_Noticias

A Asociación de Familiares de Enfermos de Alzheimer e outras demencias celebra esta tarde un conferencia en Redondela a cargo da psiquiatra Águeda Rojo. O obxectivo desta ONG é formar e informar ás familias para mellorar tanto a calidade de vida dos enfermos como dos seus coidadores. A cita é ás 19.30 horas no Multiúsos da Xunqueira.

O presidente de AFAGA, Juan Carlos Rodríguez, explica que desde o seu nacemento, a asociación foi creada para levar a cabo unha serie de actividades destinadas a mellorar a calidade de vida dos enfermos de Alzheimer e outras demencias e os seus familiares, así como para ofrecer “información, asesoramento e orientación” a todas as persoas que así o demanden. Dentro do seu programa de actividades celebran esta tarde unha conferencia en Redondela titulada “Síntomas neuropsquiátricos nas demencias”, impartida por Águeda Rojo, psiquiatra e coordinadora da Unidade de Psicoxeriatría do EOXI Vigo. Juan Carlos Rodríguez insiste en que as demencias non só son un problema sanitario, senón tamén social, polo que é preciso un servizo “integral” que atenda tanto aos enfermos como ás súas familias e coidadores. Desde AFAGA demandan unha unidade de demencias na área sanitaria de Vigo, que poida ofrecer un diagnóstico precoz, que faga un seguemento dos enfermos e faga unha abordaxe integral da enfermidade. Ao mesmo tempo demanda unha atención tamén desde os servizos sociais “con máis recursos, residencias e centros de días con profesionais especializados nestas enfermidades”.

Juan Carlos Rodríguez presidente de AFAGA
A charla englóbase nas actividades de información asesoramento e orientación que AFAGA realiza para todas as persoas que queiran participar.
Un problema sociosanitario
As demencias non só son un problema sanitario senón tamén social polo que é preciso un servizo "integral" que atenda tanto aos enfermos como ás súas familias.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *