Hoxe é Venres 30 de Outubro de 2020

As obras da pasareala peonil na ponte de Xulián manterán pechado o tráfico na mañá do xoves

RR_Noticias

A Xunta comezará mañá xoves as obras de colocación dunha pasarela na ponte de Xulián, na estrada provincial PO-250 que comunica Redondela con Pazos de Borbén. Para iso, será necesario o peche ao tráfico nesta vía desde as 9.00 até as 13.00 horas. A pasarela permitirá o paso de peóns e ciclistas de xeito seguro.

Segundo informa o departamento responsable do goberno galego, as obras enmárcanse nos traballos do itinerario peonil na estrada no punto quilométrico 0+160, o que permitirán realizar un traxecto continuo no tramo urbano de Redondela, actualmente interrompido á altura da ponte. A infraestrutura executarase na marxe dereita da obra de paso e contará cun ancho mínimo de dous metros, para garantir a circulación de peóns e ciclistas en condicións máis seguras. Ademais, os traballos comprenderán tamén a reposición de firmes, pavimentos e pasos de peóns, así como a drenaxe da senda peonil, a sinalización e a reposición de servizos afectados. Ademais, prevese o acondicionamento da contorna do peto de ánimas de Pasais, situado ao carón da estrutura actual, mediante o recheo e pavimentación con lousa de granito. Desta forma, conseguirase unha zona transitable ao redor deste elemento patrimonial de interese.
 

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *