Hoxe é Mércores 25 de Novembro de 2020

Xogos, música e teatro para que os máis novos aprendan lingua de signos en Chapela

RR_Noticias

A Asociación Cultural e Social de Chapela, a través de AZ Lengua de Signos, pon en marcha unha nova actividade dirixida a rapaces de 4 a 12 anos de idade, onde os máis pequenos poderán aprender, a través de xogos e música, a lingua de signos.

Neste novo curso pretenden que, dun xeito lúdico e divertido, os nenos poidan aprender lingua de signos “ao tempo que se potencian as súas habilidades comunicativas”. Aránzazu Casas, responsable de AZ Lengua de Signos, explica que esta actividade serve para ampliar as súas relacións sociais, avivar a expresión xestual e corporal, exercitar a memoria e a atención visual. Tamén mellora a coordinación e a lateralidade dos rapaces, así como a súa capacidade de concentración. Deste xeito a Asociación Cultural e Social de Chapela crea no Multiúsos do Piñeiral do Crego un novo espazo para os nenos. Alí pasarán momentos “amenos e educativos” a través de actividades lúdicas, contos, artes plásticas, xogos teatrais e música. Para máis información os interesados poden dirixirse ás oficinas da asociación, no Multiúsos de Chapela, ou no teléfono 656830810.

Aránzazu Casas responsable de AZ Lengua de Signos
Os máis pequenos poderán aprender a través de xogos e música a lingua de signos.
Mellorar a comunicación
Esta actividade serve para ampliar as súas relacións sociais avivar a expresión xestual e corporal exercitar a memoria e a atención visual.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *