Hoxe é Mércores 28 de Outubro de 2020

Máis de 800 moteiros daranse cita na VI Motocallada que organiza o club redondelán

RR_Noticias

O Moto Club Redondela organiza a que xa é unha cita obrigadas para os amantes das dúas rodas, a Motocallada, que este domingo día 28 chega á súa sexta edición. Faino coa preparación de máis dun milleiro de racións de callos, empanadas e unha ruta en moto pola comarca.

Carlos Figueroa, presidente do club redondelán, afirma que preparan a cita “con moita ilusión” e confiando en superar os 800 participantes da edición anterior. Está confirmada a asistencia de moteiros de clubs de toda Galicia, e tamén do norte de Portugal. A avenida de Mendiño acollerá a cita desde as 10.00 horas, as racións de callos venderanse a un prezo de 5 euros, que inclúe pan e sobremesa. Tamén haberá almorzo de café de pota e biscoito para os que desexen almorzar no recinto. Durante a Motocallada sorteásense dous xamóns e chourizos, e haberá postos de roupa para moteiros. Tampouco faltará a ruta moto-turística pola comarca con saída do recinto ás 12:00 horas. Farán o percorrido por Reboreda, Amoedo, Pazos, Moscoso, Calvos, encoro de Eiras, Caritel, Forzáns, Fornelos, Oitavén e regreso por Moscoso de novo ata Redondela, con chegada prevista ás 13.00 horas.

Carlos Figueroa presidente do club
Preparan a cita "con moita ilusión" e confiando en superar os 800 participantes da edición anterior

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *