Hoxe é Domingo 25 de Outubro de 2020

Fomento e Audasa plantan ao Concello de Redondela na Comisión de Seguemento da AP-9

RR_Noticias

A Comisión de Seguemento das obras da AP9, celebrada onte, non contou con ningún representante do Ministerio de Fomento, nin tampouco da empresa concesionaria da autoestrada. O “plantón” causou indignación entre os políticos e os colectivos sociais. O ministerio asegura que reporá viarios e instalará pantallas acústicas cun orzamento total de 9 millóns de euros.

Si acudiron membros da Unión Temporal de Empresas Rande, que decidiron abandonar a xuntanza ao non acudir ninguén do ministerio nin da concesionaria. Na xuntanza, tanto o Concello de Redondela como os colectivos sociais tiñan previsto reclamar unha vez máis “prazos concretos” para as obras de reposición e melloras comprometidas en Chapela e Trasmañó, así como a instalación de pantallas acústicas para reducir o ruído que soportan os veciños que residen nas próximidades da AP-9. A reunión comezou e rematou en poucos segundos, ao non comparecer ningún responsable do goberno central nin de Audasa, a empresa concesionaria. A tenente de alcalde de Redondela, Carmen Amoedo, lamentou o “plantón” e lembrou que a comisión se convocou con 15 días de antelación. Explica que os representantes de Fomento son os mesmo que xa estaban co anterior Goberno de Rajoy, pero non acudiron á xuntanza. Segundo Amoedo, o problema é “que non teñen autorización de Madrid”. Denuncia que co cambiou de Executivo “cambiaron as formas” o que cualifica de “falta de respecto con Redondela”. Pola súa banda, o ministerio de Fomento acusou ao Concello de Redondela de realizar unha convocatoria “unilateral, sen estar cursada en tempo e forma”. O ministerio asegura que reporá viarios e instalará pantallas acústicas cun orzamento total de 9 millóns de euros.

Carmen Amoedo tenente de alcalde
Denuncia que co cambiou de Executivo "cambiaron as formas" o que cualifica de "falta de respecto con Redondela"

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *