Hoxe é Mércores 28 de Outubro de 2020

Soutomaior oborda os problemas do novo instituto nun pleno extraordinario

RR_Noticias

Soutomair acolle hoxe ás 13.00 horas un pleno extraordinario, a petición do BNG, para tratar os problemas que se están a dar no novo IES. A situación afecta a moitas familias do municipio por deficiencias no centro, como a falta dun patio cuberto ou un salón de actos, e polos recortes nos servizos de comedor e de transporte.

Ante as queixas da comunidade educativa e as mobilizacións que protagonizaron desde o comezo do curso, o grupo municipal do BNG decidiu convocar un pleno extraordinario para esixir que se solucionen estes problemas. As familias e a ANPA solicitaron tamén por rexistro que o pleno se celebrase ás 20.00 horas para favorecer a súa asistencia. Malia esta petición, o alcalde Agustín Reguera convocou o pleno para as 13.00 horas, o que dificulta que as familias poidan asisitir, decisión criticada polo voceiro do BNG Manu Lourenzo. O edil do Bloque sinalou tamén que o que está a acontecer co transporte, tanto coa supresión de paradas como coa tardanza da viaxe entre Arcade e Soutomaior “son un chanzo máis na cadea de recortes do PP”. Advirte que “non van tolerar esta situación”, e lembra que levan anos advertindo dos problemas que se ían dar “por meter con calzador e a última hora un instituto de 16 unidades nun proxecto pensado para 12”.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *