Hoxe é Venres 27 de Novembro de 2020

A Autoridade Portuaria prohibe o acceso ao antigo cargadeiro de Rande por risco de derrube

RR_Noticias

O avanzado estado de deterioro o cargadeiro de mineral, pechado hai 40 anos, levou ao Porto de Vigo a pechar o acceso ás instalacións tanto por terra como por mar. Varios carteis advirten do perigo de derrube. Tamén solicitan a Capitanía Marítima que prohiba a navegación na contorna do cargadoiro polo risco de desprendementos.

O informe realizado polos peritos fala do “perigoso estado” do cargadeiro, e mesmo evitaron inspeccionar algunhas zonas polo risco de esborralle.Trátase dunha medida de seguridade implementada pola Autoridade Portuaria para evitar accidentes. Coa advertencia da prohibición pretenden disuadir a curiosos e pescadores, que en ocasións se achegan a esta infraestrutura industrial. Segundo os técnicos hai perigo de derrube en todo o peirao. O ente portuario non ten intención de conservar esta instalación, senón retirar toda a estrutura de ferro e manter a liña de atraque para barcos en reparación ou de longa estancia. Un obxectivo que topou co rexeitamento dos veciños e do alcalde, Javier Bas. O presidente da Autoridade Portuaria, Enrique López Veiga, paralizou o proxecto e encargou unha análise sobre o estado do peirao. O informe dos peritos é rotundo, e advirte do calamitoso estado de toda a estrutura. A gran afluencia de público á conmemoración da Batalla de Rande, esta pasada fin de semana, levou ao Porto a colocar uns letreiros prohibindo o paso e advertindo do perigo. Tamén se dirixiron á Capitanía Marítima solicitando que prohiba a navegación na contorna do cargadoiro polo risco de desprendementos. Está previsto que se balice a contorna do cargadeiro e se informe da prohibición a todas as confrarías de pescadores, clubs náuticos e portos deportivos da ría.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *