Hoxe é Martes 27 de Outubro de 2020

Redondela incrementa un 40% a reciclaxe de envases

RR_Noticias

A concellaría de Medio Ambiente superou con éxito o obxectivo da campaña que Ecoembes e a Xunta puxeron en marcha coa lema “Recicla, Respira e Supérate”. O reto consistía en aumentar como mínimo un 10% a reciclaxe de envases durante tres meses, con respecto aos datos de 2017. Redondela, grazas á colaboración cidadá, pasou a proba con nota, ao incrementar a reciclaxe no colector amarelo en máis dun 40%.

Grazas a iso conseguiron un premio de 2.000 euros que irá destinado a Aldeas Infantís de Redondela. O destinatario do premio decidiuno o CEI de Cesantes, xa que foi o centro que máis aceite logrou reciclar de todos os colexios e institutos de Redondela, en proporción ao número de alumno. Segundo explica a concellería, tamén obtivo moi bos resultados a escola unitaria de Ventosela, que quedou a escasos litros de aceite respecto da escola infantil de Cesantes. Desde o departamento manifestan a súa “satisfacción” ao comprobar como a cidadanía en xeral “se implica en todas as campañas que se están realizando en torno á reciclaxe, a compostaxe e todo o relacionado co medio ambiente”, así como nas charlas que se están impartindo nos centros escolares desde hai varios cursos. Redondela participou na campala de Ecoembes xunto a outros Concellos de Galicia, entre os que destacan Pontevedra, Marín, Santiago, Ourense, Villalba, Narón ou Lugo.

Share on facebook
Facebook
Share on twitter
Twitter
Share on linkedin
LinkedIn
Share on pinterest
Pinterest
Share on whatsapp
WhatsApp

Deixa unha resposta

O teu enderezo electrónico non se publicará Os campos obrigatorios están marcados con *